Дзень Незалежнасці

Дзень незалежнасці Рэспублікі Беларусь — галоўнае свята беларускай дзяржаўнасці, якое адзначаецца штогод 3 ліпеня. 

3 ліпеня 1944 года адбылося вызваленне Мінска, сталіцы Беларусі, ад нямецкіх войскаў у ходзе Беларускай аперацыі (кодавае назву «Баграціён»).

З 1991 года Дзень незалежнасці адзначаўся 27 ліпеня, ў дзень прыняцця Дэкларацыі аб суверэнітэце Беларусі. 25 Жніўня 1991, пасля жнівеньскіх падзей у Маскве, Беларуская ССР надала дэкларацыі аб суверэнітэце рэспублікі статус канстытуцыйнага закона. 10 снежня 1991 года Вярхоўным Саветам Беларусі было ратыфікавана Белавежскае пагадненне, якое заяўла аб спыненні існавання СССР. Фармальна незалежнасць была атрымана 26 снежня 1991 ў сувязі з распадам СССР.

Рашэнне аб святкаванні Дня незалежнасці 3 ліпеня, ў дзень вызвалення сталіцы Беларусі ад нямецка-фашысцкіх захопнікаў, было прынята ў ходзе рэспубліканскага рэферэндуму ў 1996 годзе.

Галоўнае мерапрыемства Дня незалежнасці — ўрачысты вайсковы парад. Ён нагадвае пра тое, што беларускі народ цаной неймаверных страт заваяваў свабоду і незалежнасць Радзімы і ў далейшым не паступіцца ні пядзяю сваёй незалежнасці.

Пасля заканчэння афіцыйнай часткі свята пачынаюцца свецкія мерапрыемствы. Па ўсёй рэспубліцы праходзяць святы і гулянні. Жыхары накіроўваюцца на плошчы, ў скверы, да канцэртных пляцовак і выязных гандлёвых кропак. Праводзяцца розныя конкурсы, рэкламныя кампаніі. Увечары ў Мінску і абласных цэнтрах уладкоўваецца святочны салют.